في القلب صورتك /بقلم اسامة جديانة
فى القلب صورتك
وفى العين صورتك
وفوق ضى القمر رسمتك
سمع القمر همسك
نادى لكل النجوم
يدلوه على اسمك
قالوا النجوم للقمر
اسمها يشبهلك
ثار القمر وغار
مافي حد فى جمالي
قالولوا بدر البدور
جمالها شئ خيالي
مرسومه من ضيك
سهروا العشاق ليالي
شاف القمر صورتك
مين رسمك فى العالي
قالت حبيب الروح
رسمه بيحلالي
صبح فى السما قمرين
جمالهم شغل بالي
غار القمر منك
جمع حواليه النجوم
يمكن يزيد ضياءه
ولا تطفى ضيه فى يوم
ضيك طفى نوره
باحوا النجوم باللوم
باس القمر صورتك
خاف يبات مهموم
حبيبتي يابدر البدور
ياللي القمر زيك
(((أسامه جديانه)))
تعليقات
إرسال تعليق