ابكات العين /بقلم محمد دومو
بكات العين!
(زجل مغربي)
بكات العين بزاف
ما سوگرات من لمحاين والو
وتألم الگلب علفراق
ملي لحبيب غادر ومشى فحالو
واش لعذاب نتيجة
ولا ذاخل فمكتوب الله وقدارو
ما كنت حاسب هاذ لحساب
لعقل كان تايه ما كان راد بالو
هي ليام تمشي وتسير
بحال لعاود لي كيجري بلا لجامو
لازم تسايرها مزيان
قبل ما يفوت لفوت ولمحاين ايبانو
ايه يا تايه فالدنيا
لا التيق فيها بزاف بحالي وبحالو
كون اليوم لبيب فاهم
باش غدا ما زرعتيه تجني ثمارو
حاول بالتجارب تتعلم
ولا تبقى حاضر غشيم ما فاهم والو
المعنى فلكلام يا التايه
فيق من النعاس غذا كلها تبان فعالو
-بقلم: محمد دومو
-مراكش/ المغرب
(ترجمة الى الفصحى)
بكت العين!
بكت العين كثيرا
لأجل المحن بلا جدوى
وتألم القلب على الفراق
بعدما غادر الحبيب
هل العذاب نتيجة؟
أم ذاخل ضمن المكتوب الله وقدره
ما كنت احسب مثل هذا الحساب
لأن العقل حينها كان تائها
انها الايام تمشي وتسير
كالفرس الذي يجري دون لجام
من اللازم مسايرتها جيدا
قبل فوات الأوان فتظهر المحن
إيه يا ذاك التائه في الدنيا
لا تتق فيها كثيرا مثلي ومثله
كن اليوم لبيبا فاهما
فغذا ما زرعته ستجني ثماره
وحاول بالتجارب ان تتعلم
ولا تبقى حاضرا عبيطا غير فاهم
المعنى في الكلام يا ذاك التائه
انهض من سباتك فغذا كل واحد ستظهر أفعاله
تعليقات
إرسال تعليق