بتفكر في مين /بقلم اسامة جديانة
بتفكر فى مين
انت عندك وقت تفكر
دانا قلبي عليك حزين
من حزني عليك بتحسر
عمرك ماكنت علي أمين
كل وقفة معاك بتنكر
ياما رويتك بالحنين
والوداد والحب اكتر
انا عليك ببكي الأنين
كل ماتوعد وعد بتغدر
كل فكرك فى الملايين
فكرك ان فى يوم هتكبر
ماانت فكرت السنين
وانت مش راضي بالقدر
بتحلم بالمال والفدادين
وتصحى من نومك تدور
ماانت نايم من يومين
عمرك كله تقول هنصبر
وتجيلي صفر اليدين
ترجع تاني يوم وتكرر
وتقول نفس الكلمتين
نفسك تكبر وتستثمر
وجيوبك مافيهاش جنيهين
شوف لك شغله وفيها تعمر
وخليك مرة من الشاكرين
يمكن لما هتشكر تكبر
(((أسامه جديانه)))
تعليقات
إرسال تعليق