اديني من وقتك/بقلم عزة السيد
إديني من وقتك
ثلاث دقايق بس
انا جاي اسردلك ليه
احساسي بيها حس
......
خليكي انت الحكم
وانا راضي بالاحكام
والي هتحكمي بيه
انا ليكي هناخدام
.....
وقفت اسمع منه
من غير مااقول ولاحرف
دموعي لو اسيبها
تنزل تهد الجرف
لكن ولا اتهزيت
مع اني من جوا
والله انا اتهديت
.... َ
فاكره في يوم انا جيت
وكنتي زعلانه
وعايشه فيها الدور
لقيتها هي حضن من غير
ما الف وادور
لما اكون مبسوط
ونفسي نتكلم
الاقيكي وسط الحلل
وعياط عيال كمل
لقيتها فتحالي
دراعتها بالاحضان
ولقيت وجع قلبي
عملت حواليه حيطان
خدتني من نفسي
وكمان منك
سرقتني من شغلي
ومشاغلي وحسستني
اني أغلى حد هناك
عاشت في دور الملاك
.....
كنت ابعد انا عنك
الاقيها بتسلي
اكره وجودي هنا
الاقيها بتسمي
واتعودت على انك
موجوده هتروحي فين
لكن هي السكن
وعليا بتسمي
طب احكمي انتي
خليكي حد غريب
اشوف وجع قلبي
ولا اجري على التطيب
حتى ولو كان وقت
ويعدي
كفايه اني سمتني
ليها يوميها حبيب
......
انا قلت عندك حق
تجري على التطيب
طب فين كلام ربنا
طب فين كدا خاين
طب فين راح حبنا
وازاي عليك هاين
طب وانا مين راح
يطيبني
ويشيل هموم قلبي
مفيش سؤال عن حال
ولا سبب زعلي
سيبت الدنيا وروحت
ارتحت
اطمن بقيت تحت
مبقاش خلاص يفرق
منت رجعت كمان
ندمان لما اتجرحت
💕 💕 💕 عزه السيد
......
تعليقات
إرسال تعليق