جندي تحت الطلب /بقلم شعبان محمد الطحان
جندي تحت الطلب..بقلمي
شعبان محمد الطحان
"""""
انا جندي تحت أمرك
في أي مكان تلآقيني
يوم ازرع واقلع
واروي ارضك بعرق جبيني
واصنع.. واعمّر.. واكتب
واحفر اسمك جوه دواويني
واشيل الصخر فوق ضهري
والشرر يطّل من عيني
لو حسيت ان حقك ضايع
أو أي حد حاول يهدّ تكويني
لاعمري اتخلّفت عن الجهاد
ولا يوم اتخنقت من سنيني
ولو حاول عدو يهتِك سِترك
تلآقي الجنه بتناديني
ماسك مدفع بأيدي
ورجلي لعِزك توديني
الأرض أرض أبويا وجدي
وحبك عباده في ديني
""""""
بقلم ابو رحاب الشاعر
تعيش يا بطل جميله جدا دمت متالقا
ردحذف