قصبة بولعوان/بقلم بوسبولة المحجوب
////////+++قصبة بولعوان +++////////
لضفاف ام ربيع خوديني
قصبة بولعوان وصليني
سافري بيا يا سر النغمة
للقصبة وتزول الغمة
دكريني لالة فيما مضى
والعالاوي سيدي وماقضى
يانور التاريخ ف زمانو
ياطالة على الواد بلوانو
غير خلي حروفي تتمايل
وتشوف داك المنظر الهايل
وانا بين صحاب ورفاقي
نلقى لمحبة وشواقي
معلامة اتنطق لكلام
وترافق اسراب هذ لحمام
مابقى لالة مايتخبة
عشقي ليها يحرك محبة
بحروفي ركبت صهوة جوادي
بقصيدتي نفتاخر بلادي
نتكلم مع الشابل بكلام
نحلف ليها بالحب ولغرام
ونقول جاي لك يابولعوان
جاي لك ياثربة لطمئنان
//////+++بقلم صقر الحروف الزجال بوسبولة المحجوب +++//////
تعليقات
إرسال تعليق