لحظة شعور /بقلم حاتم ابو عوف
ﻟﺤﻈﺔ ﺷﻌﻮﺭ
ﻟﻤﺎ ﺍﺳﺮﺡ ﻓﻲ ﻋﻴﻮﻧﻚ ﻛﻠﻲ ﺑﺘﻔﺘﺢ ﻣﺸﺎﻋﺮ
ﻭﺃﺑﺪﺃ ﺃﻛﺘﺐ ﻟﻴﻜﻲ ﻏﻨﻮﺓ ﻗﺒﻠﻲ ﻣﺎ ﻏﻨﺎﻫﺎ ﺷﺎﻋﺮ
ﻓﻲ ﻋﻴﻮﻧﻚ ﺷﻔﺖ ﺣﺴﻨﻚ ﻳﺒﺘﺴﻢ ﻟﻠﺪﻧﻴﺎ ﺳﺎﺧﺮ
ﺭﻭﻋﺔ ﺗﺘﺤﺪﻯ ﺍﻟﺮﻭﺍﺋﻊ ﻭﻟﻴﻬﺎ ﺣﻖ ﻣﺎ ﻧﻮﻋﺎ ﻧﺎﺩﺭ
ﺯﻱ ﺷﺠﺎﻋﺔ ﻧﺎﺱ ﺑﻠﺪﻧﺎ ﺍﻟﺒﻴﻬﺎ ﺩﻭﻥ ﺍﻟﻨﺎﺱ
ﻧﻔﺎﺧﺮ
ﻧﺤﻦ ﻣﺎﺿﻲ ﻭﻧﺤﻦ ﺣﺎﺿﺮ ﻭﻧﺤﻦ ﻛﻞ ﺍﻟﺠﺎﻳﻲ
ﺑﺎﻛﺮ
ﻻ ﺗﻈﻨﻲ ﻫﻮﺍﻛﻲ ﻋﺎﻳﺶ ﻓﻲ ﺍﻟﻘﻠﻮﺏ ﻣﻦ ﻏﻴﺮ
ﺃﻭﺍﺻﺮ
ﻓﻲ ﺳﺒﻴﻞ ﻋﻴﻨﻴﻜﻲ ﺇﻧﺘﻲ ﻧﺤﻦ ﺑﺎﻷﺭﻭﺍﺡ ﻧﺨﺎﻃﺮ
ﻗﻮﻟﺔ ﺃﺣﺒﻚ ﻟﻮ ﺑﺘﻜﻔﻲ ﺣﺒﻲ ﻟﻴﻚ ﻣﺎ ﻟﻴﻬﻮ ﺁﺧﺮ
ﻭﺍﻟﻌﺠﻴﺐ ﻣﻦ ﻗﺒﻠﻚ ﺇﻧﺘﻲ ﻗﻠﺒﻲ ﻛﺎﻥ ﺑﺎﻟﺮﻳﺪﺓ
ﻛﺎﻓﺮ
ﻳﺎ ﺳﻼﻡ ﻟﻤﺎﻥ ﺃﺷﻮﻓﻚ ﻭﻓﺠﺄﺓ ﻳﺨﻄﺮ ﻟﻲ ﺧﺎﻃﺮ
ﻭﺃﻟﻘﻰ ﻛﻞ ﺍﻟﻜﻮﻥ ﺑﻴﻀﺤﻚ ﻭﺃﻱ ﻣﻨﻈﺮ ﻓﻴﻬﻮ
ﺳﺎﺣﺮ
ﻓﻲ ﻋﻴﻮﻧﻚ ﻭﺍﺿﺤﺔ ﻧﻔﺴﻚ ﺇﻧﺘﻲ ﺟﻮﻫﺮ ﻣﺎ
ﻣﻈﺎﻫﺮ
ﺇﻧﺘﻲ ﺧﻴﻂ ﻣﻦ ﻧﻮﺭ ﺑﻴﺴﻄﻊ ﻓﻲ ﻇﻼﻡ ﺃﻋﻤﺎﻗﻲ
ﺑﺎﻫﺮ
ﺇﻧﺘﻲ ﺳﺮ ﺟﻮﺍﻳﺎ ﻏﺎﻣﺾ ﻋﻘﻠﻲ ﻋﻦ ﺗﻔﺴﻴﺮﻭ
ﻗﺎﺻﺮ
ﻭﺇﻧﺘﻲ ﺣﺐ ﻓﻲ ﻗﻠﺒﻲ ﺧﺎﻟﺪ ﻟﻲ ﻣﺪﻯ ﺍﻷﺯﻣﺎﻥ
ﻳﻌﺎﺻﺮ
ﻛﻞ ﻟﻮﻥ ﺯﻱ ﻟﻮﻥ ﺳﺒﻴﺒﻚ ﻳﻌﺘﺮﺽ ﻗﺪﺍﻣﻲ
ﻋﺎﻛﺮ
ﺃﻟﻘﻰ ﻭﺟﻬﻚ ﻧﻮﺭ ﺑﻴﻜﺴﺢ ﻟﻲ ﺟﻴﻮﺵ ﺍﻟﻈﻠﻤﺔ
ﺩﺍﺣﺮ
ﺇﻧﺘﻲ ﻣﺎ ﻣﻠﻜﺔ ﺯﻣﺎﻧﻚ ﺇﻧﺘﻲ ﻣﺎ ﻋﻘﺪ ﺍﻟﺠﻮﺍﻫﺮ
ﺑﺴﺘﻌﻴﺪ ﻟﺤﻈﺎﺕ ﻟﻘﺎﻧﺎ ﻭﺃﺭﻋﻰ ﻧﺠﻢ ﺍﻟﻠﻴﻞ
ﻣﺴﺎﻫﺮ
ﻋﻘﻠﻲ ﻳﺴﺘﻌﺮﺽ ﻣﻨﺎﻇﺮﻙ ﺯﻱ ﺷﺮﻳﻂ ﻣﻦ
ﺫﻛﺮﻯ ﻋﺎﻃﺮ
ﺇﻧﺘﻲ ﺃﻋﻈﻢ ﻣﻦ ﺧﻴﺎﻟﻲ ﺇﻧﺘﻲ ﺷﻲ ﺟﻮﺍﻳﺎ ﺛﺎﺋﺮ
ﺇﻧﺘﻲ ﺃﻋﻤﻖ ﻣﻦ ﻏﻨﺎﻳﺎ ﻭﺇﻧﺘﻲ ﺃﻭﻝ ﻭﺇﻧﺘﻲ ﺁﺧﺮ
بقلم
حاتم ابو عوف
تعليقات
إرسال تعليق